పెద్దల కోసం భద్రతతో కూడిన సరికొత్త పెన్షన్ పాలసీ... 'వయ వందన యోజన'!

13-08-2017 Sun 13:22

వృద్ధాప్యంలో భద్రతతో కూడిన స్థిరమైన రాబడులను ఇచ్చే సాధనాలకే పెద్దలు ఎక్కువగా ఓటేస్తారు. ఈ తరహాకు చెందిన ఓ సంప్రదాయ పెన్షన్ పాలసీని కేంద్ర సర్కారు ‘ప్రధానమంత్రి వయవందన యోజన’ పేరుతో తీసుకొచ్చింది. ఇందులో ఉన్న సానుకూల, ప్రతికూలతలపై ఆర్థిక నిపుణులు ఏమంటున్నారో చూద్దాం...


మన దేశంలో అవ్యవస్థీకృత రంగంలోని వారు, స్వయం ఉపాధితో జీవితాన్ని నెట్టుకొచ్చిన వారికి 60 ఏళ్ల తర్వాత తక్షణం నెలవారీ పెన్షన్ ఇచ్చే పాలసీలు మార్కెట్లో పరిమితంగానే ఉన్నాయి. ఎన్ పీఎస్, యూనిట్ ఆధారిత పెన్షన్ పథకాలు, బీమా కంపెనీలు అందించే ఇతర పెన్షన్ పథకాలన్నీ కూడా భవిష్యత్తులో రిటైర్ అయ్యే వారి కోసం. ఇక యాన్యుటీ అంటూ పెట్టుబడి పెట్టిన మొత్తంపై మరుసటి నెల నుంచే ఆదాయాన్నిచ్చే పథకాలూ ఉన్నాయి. కాకపోతే వీటిపై రాబడి తక్కువే. నెలవారీ ఆధాయాన్నిచ్చే పథకాల్లో ప్రస్తుతం సీనియర్ సిటిజన్ సేవింగ్స్ స్కీమ్ ఒక్కటే 8.3 శాతం రాబడినిస్తుంది. మిగతావన్నీ8 శాతంలోపు వడ్డీ రేటున్నవే. మరి ఈ సమయంలో కేంద్ర ప్రభుత్వం వయవందన యోజన అంటూ 8 శాతం వడ్డీ రేటుతో పథకాన్ని తీసుకొచ్చింది. ఈ పథకం నిర్వహణ బాధ్యతను ఎల్ఐసీ చూస్తోంది.

representational image60 ఏళ్లు దాటిన ప్రతి ఒక్కరూ ఇందులో ఇన్వెస్ట్ చేసేందుకు అర్హులే. గరిష్ట వయ పరిమితి అంటూ లేదు. 60 ఏళ్ల తర్వాత ఏ వయసు వారైనా పెట్టుబడి పెట్టి ఆదాయం పొందొచ్చు. 10 ఏళ్ల కాల వ్యవధి. అప్పటి వరకు 8 శాతం వార్షిక వడ్డీ ప్రాతిపదికన నెలవారీ చెల్లింపులు చేస్తారు. జీఎస్టీ కింద దీన్ని మినహాయించారు. ఈ ఏడాది మే 4న దీన్ని అందుబాటులోకి తీసుకురాగా, ఇప్పటికే ఎల్ఐసీ 58 వేలకు పైగా పాలసీలను జారీ చేయడంతోపాటు రూ.2,700 కోట్లను వసూలు చేసింది. కాకపోతే అధికారికంగా విడుదల చేసింది మాత్రం కొద్ది రోజుల క్రితమే. ఆన్ లైన్, ఆఫ్ లైన్ లోనూ పాలసీని కొనుగోలు చేయవచ్చు. వచ్చే ఏడాది 2018 మే 3 వరకే ఈ పథకంలో చేరేందుకు అవకాశం ఉంటుంది. ఆ తర్వాత ఇందులో చేరేందుకు అవకాశం ఉండదు. నెలవారీ, మూడు నెలలకోసారి, అర్ధ సంవత్సరం, ఏడాదికోసారి పెన్షన్ పొందే సౌలభ్యం ఉంది.

ప్రతీ నెలా పెన్షన్
నెలవారీ పెన్షన్ పొందాలంటే కనీసం రూ.1,44,578 రూపాయలు ఇన్వెస్ట్ చేయాలి.  గరిష్ఠంగా రూ.7,22,892 పెట్టుబడి పెట్టుకోవచ్చు. అప్పుడు ప్రతీ నెలా కనిష్ఠ పెట్టుబడిపై రూ.1,000 రూపాయలు, గరిష్ఠ పెట్టుబడిపై రూ.5,000 పెన్షన్ గా అందుతుంది.

మూడు నెలలకోసారి పెన్షన్
కనీసం రూ.1,47,601 పెట్టుబడి పెట్టాలి. గరిష్ఠంగా రూ.7,38,007 ఇన్వెస్ట్ చేయవచ్చు. అప్పుడు మూడు నెలలకోమారు కనిష్ఠ పెట్టుబడిపై రూ.3,000 గరిష్ఠ పెట్టుబడిపై రూ.15,000 పెన్షన్ వస్తుంది.

ఆరు నెలలకోసారి
కనిష్ఠంగా రూ.1,49,068, గరిష్ఠంగా రూ.7,45,342 ఇన్వెస్ట్ చేయాల్సి ఉంటుంది. అప్పుడు ప్రతీ ఆరు నెలలకు కనిష్ఠ మొత్తంపై రూ.6,000, గరిష్ఠ మొత్తంపై రూ.30,000 పెన్షన్ గా చెల్లిస్తారు.

representational imageఏడాదికోసారి
కనిష్ఠంగా రూ.1,50,000, గరిష్ఠంగా రూ.7,50,000తో పాలసీ తీసుకోవచ్చు. అప్పుడు కనిష్ఠ మొత్తంపై రూ.12,000, గరిష్ఠ మొత్తంపై రూ.60,000 పెన్షన్ అందుకోవచ్చు.

మరింత సరళంగా చెప్పుకోవాలంటే ప్రతీ రూ.1,000 పెట్టుబడిపై నెలవారీ అయితే రూ.80, మూడు నెలలకోసారి కోరుకుంటే రూ.80.50, ఆరు నెలలకోసారి తీసుకుంటే రూ.81.30, ఏడాదికోసారి తీసుకుంటే రూ.83 ఆదాయంగా లభిస్తుంది.

కొన్ని పరిమితులు
ఇక్కడ పేర్కొన్న గరిష్ఠ పెన్షన్ ఒక కుటుంబం మొత్తానికి అని అర్థం చేసుకోవాలి. పెన్షనర్, వారి జీవిత భాగస్వామి, పెన్షనర్ పై ఆధారపడిన వారిని కలిపి ఓ కుటుంబంగా పరిగణిస్తారు. ఒకే కుటుంబంలో ఇద్దరు, ముగ్గురి పేర్లపై ఇన్వెస్ట్ చేయకుండా ఈ పరిమితి విధించారు. పెన్షన్ ను నేరుగా బ్యాంకు ఖాతాలో జమ చేస్తారు. పాలసీ కాల వ్యవధి ముగిసేలోపు (10 ఏళ్లలోపు) పాలసీదారుడు మరణిస్తే పెట్టుబడి మొత్తాన్ని నామినీ లేదా వారసులకు చెల్లించేస్తారు. పెన్షన్ ను ఎప్పటికప్పుడు చెల్లిస్తుంటారు గనుక గడువు తీరిన తర్వాత అసలు మాత్రమే చెల్లిస్తారు. కాల వ్యవధి తీరేలోపే ఈ పథకం నుంచి వైదొలగాలంటే ప్రత్యేక కారణాల్లో అనుమతిస్తారు. తీవ్ర అనారోగ్యానికి లోనై చికిత్స తీసుకోవాలనుకునే వారు పెట్టుబడి మొత్తంలో 98 శాతాన్ని వెనక్కి తీసేసుకోవచ్చు. మూడేళ్ల తర్వాత అవసరం అనుకుంటే రుణం తీసుకునేందుకు అవకాశం ఉంది. పెట్టుబడి మొత్తంలో 75 శాతాన్ని రుణంగా ఇస్తారు. రుణంపై 10 శాతం వడ్డీ పడుతుంది. పెట్టుబడి పెట్టి, పాలసీ తీసుకున్న తర్వాత అందులోని నిబంధనలు, ఇతర అంశాలు నచ్చకపోతే వెనక్కిచ్చేయవచ్చు. ఆన్ లైన్ లో అయితే 30 రోజులు, ఆఫ్ లైన్ లో అయితే 15 రోజుల్లోపల ఈ అవకాశం ఉంది. ఈ పథకంలో పెట్టే పెట్టుబడి, వడ్డీ రాబడికీ ఎటువంటి పన్ను ప్రయోజనాలు లేవు.

representational imageప్రయోజనమేనా?
రాబడికి హామీతోపాటు 8 శాతం వడ్డీ రేటు అన్నది ఫర్వాలేదనే చెప్పుకోవాలి. దీనికంటే సీనియర్ సిటిజన్ సేవింగ్స్ స్కీమ్ లో మాత్రమే పెట్టుబడిపై 8.3 శాతం వడ్డీ అమల్లో ఉంది. మిగిలిన పథకాలన్నీ కూడా తక్కువ వడ్డీ రేటున్నవే. ఇందులో ప్రతీ నెలా గరిష్ఠ పెన్షన్ రూ.5,000 మాత్రమే. రూ.7.5 లక్షలకు మించి పెట్టుబడికి అవకాశం లేదు. ఇది ఓ కుటుంబానికి పూర్తిగా సరిపోయే అమౌంట్ కాదు. ముఖ్యంగా రిటైర్ అయిన వారికి ఈ ఆదాయం అన్ని అవసరాలనూ తీర్చలేదు. దీనికంటే కూడా మంచి డెట్ మ్యూచుల్ ఫండ్స్ లో ఇన్వెస్ట్ చేసి నెలవారీ క్రమానుగత ఉపసంహరణ రూపంలో ఆదాయం పొందడం నయమని ముంబైకి చెందిన ఫైనాన్షియల్ ప్లానర్ సురేష్ శడగోపన్ అభిప్రాయపడ్డారు. నెలకు తక్కువ మొత్తంలో అవసరాలున్నవారికే ఇది అనుకూలమన్నారు.


More Articles
Advertisement
Telugu News
ICMR approves CCMB new testing method
హైదరాబాద్ సీసీఎంబీ రూపొందించిన కరోనా పరీక్ష విధానానికి ఐసీఎంఆర్ ఆమోదం
3 hours ago
Advertisement 36
Anasuya thanked Saitej for the release of Thank You Brother first look poster
'థాంక్యూ బ్రదర్' నుంచి ఫస్ట్ లుక్ పోస్టర్ రిలీజ్ చేసిన సాయితేజ్... కృతజ్ఞతలు తెలిపిన అనసూయ
3 hours ago
corona virus spreading update
ఏపీ కరోనా అప్ డేట్: 733 పాజిటివ్ కేసులు, 6 మరణాలు
3 hours ago
Mithunam film to be remade in Hindi
బాలీవుడ్ కి 'మిథునం'.. బాలు పోషించిన పాత్రలో అమితాబ్!
3 hours ago
Pawan Kalyan says he opposes the auction of Mantralayam lands
మంత్రాలయం మఠానికి చెందిన భూముల వేలం, ఆస్తుల అమ్మకాన్ని వ్యతిరేకిస్తున్నాం: పవన్ కల్యాణ్
4 hours ago
Mumbai auto driver helps Sachin Tendulker to get on highway
నన్ను ఫాలో అవ్వండి... అంటూ సచిన్ కు దారిచూపిన ఆటోవాలా!
4 hours ago
Chandrababu talks about Genome Valley
మేం దూరదృష్టితో చేపట్టిన ప్రాజెక్టు నేడు కరోనా వ్యాక్సిన్ తయారుచేస్తోంది: చంద్రబాబు
5 hours ago
KTR participates TV channel debate ahead of GHMC Elections
మేమొస్తే ఉద్యోగాలు, వాళ్లొస్తే కర్ఫ్యూలు: గ్రేటర్ ఎన్నికల నేపథ్యంలో కేటీఆర్ వ్యాఖ్యలు
5 hours ago
 Two more cyclones has to come towards Tamil Nadu and AP
నివర్ తో అయిపోలేదు... తరుముకు వస్తున్న మరో రెండు తుపానులు!
5 hours ago
Prakash Raj fires on Pawan Kalyan for supporting BJP
అందరినీ బీజేపీకి ఓటేయాలని చెబుతున్నారు... ఇక జనసేన ఎందుకు?: పవన్ పై ప్రకాశ్ రాజ్ తీవ్ర వ్యాఖ్యలు
6 hours ago
 Rat fights with snake for mouse
విషసర్పం నోట చిక్కిన బిడ్డ కోసం ఓ తల్లి వీరోచిత పోరాటం... వీడియో ఇదిగో!
6 hours ago
Team India lost first ODI against Australia
ఆస్ట్రేలియా పర్యటనలో టీమిండియా ప్రస్థానం ఇలా మొదలైంది... తొలి వన్డేలో ఓటమి!
6 hours ago
Huge flood alert for Penna river delta
పెన్నా నది ఉగ్రరూపం... ప్రజలు సురక్షిత ప్రాంతాలకు చేరుకోవాలన్న అధికారులు
7 hours ago
IIIT entrance exam postponed due to Nivar cyclone
నివర్ ఎఫెక్ట్: ఏపీలో రేపు జరగాల్సిన ట్రిపుల్ ఐటీ పరీక్ష వాయిదా
7 hours ago
Many villan roles in Allu Arjun movie
అల్లు అర్జున్ సినిమాలో బోలెడు మంది విలన్లు!
7 hours ago
Manchu Lakshmi says she has been entered into a new venture
కొత్త ఆరంభం కోసం... కొత్త ఆఫీసులో...: మంచు లక్ష్మి ఆసక్తికర పోస్టు
8 hours ago
Bank robbery in Nadikudi
బ్యాంకుకు కన్నం వేసిన బాబాయ్, అబ్బాయ్... శ్మశానం పక్కన రాళ్లగుట్టలో లక్షల డబ్బు దాచిన వైనం!
8 hours ago
Pandya and Dhawan drives India in Sydney ODI against Aussies
ఆసీస్ తో తొలి వన్డే.... ఆశలు రేకెత్తిస్తున్న ధావన్, పాండ్య ద్వయం
8 hours ago
I know the pain of love failure says Renu Desai
మోసపోయామని తెలిసినప్పుడు కలిగే బాధ అంతాఇంతా కాదు: రేణు దేశాయ్
9 hours ago
Stock markets ends in losses
నష్టాల్లో ముగిసిన మార్కెట్లు
9 hours ago