Ala Vaikunthapuramulo: 'అల వైకుంఠపురములో...' సినిమాలో చూపించిన 'ఇంటి' గుట్టు ఇదే!

"అదీ వైకుంఠపురమురా..." తన కొడుకు కాని కొడుకును అక్కడికి వెళ్లనివ్వకుండా చూసేందుకు ఓ తండ్రి చెప్పే డైలాగ్ ఇది. అల్లు అర్జున్ నటించిన తాజా చిత్రం 'అల వైకుంఠపురములో..' ఈ సంక్రాంతికి విడుదలై సూపర్ హిట్ గా నిలిచింది. ఈ చిత్రంలో వైకుంఠపురంగా చూపించిన ఇంటి గురించిన ఆసక్తికర విషయం ఒకటి ఇప్పుడు వెలుగులోకి వచ్చింది.

తన గత సినిమా 'అజ్ఞాతవాసి'లో హీరో ఇంటి కోసం రామోజీ ఫిల్మ్ సిటీలో లగ్జరీ హౌస్ సెట్ ను వేయించిన త్రివిక్రమ్, 'అల వైకుంఠపురములో..' కోసం ఓ నిజమైన ఇంటిని ఎంచుకున్నారు. ఈ ఇల్లు ఓ టీవీ వార్తా చానెల్ అధినేత కుమార్తె ఇల్లు. హైదరాబాద్ లోని ఆ ఇంటిని చూసిన త్రివిక్రమ్, తన కథకు, కథలోని వాతావరణానికి ఈ ఇల్లు సరిగ్గా సరిపోతుందని భావించి, వారిని సంప్రదించారు. ఇంటి యజమానులు సైతం షూటింగ్ కు అంగీకరించడంతో, దాదాపు 20 రోజుల షూటింగ్ అదే ఇంట్లో జరిగింది.

ఇక ఈ ఇంటిని, దాన్ని నిర్మించిన తీరును చూసి అల్లు అర్జున్ కూడా ముచ్చట పడిపోయాడట. త్వరలో బంజారాహిల్స్ లో తాను సొంత ఇంటిని నిర్మించుకోవాలని భావిస్తున్న బన్నీ, వైకుంఠపురం హౌస్ కు సంబంధించిన విషయాలను ఇంటివారిని అడిగి తెలుసుకున్నాడట.