తొందరపాటుకి ఫలితం

18-12-2013 Wed 15:16

పరిపూర్ణమైన వ్యక్తిత్వం ఎవరికైనా నిండుతనాన్ని తెస్తుంది. ఎలాంటి కష్టనష్టాల్లోను తొందరపాటుని ప్రదర్శించని వాళ్లు అందరి ఆదరాభిమానాలను పొందుతూ వుంటారు. అయితే మహర్షులు ... మహనీయులు సైతం ఒక్కోసారి తమ వ్యక్తిత్వానికి భిన్నంగా నడచుకున్న సంఘటనలు లేకపోలేదు. అలాంటప్పుడు భగవంతుడు చూసీ చూడనట్టుగా ఉండలేదు. తన దృష్టిలో మహర్షులు ... మామూలు మానవులు అనే భేదమే లేదన్నట్టుగా వ్యవహరించాడు ... తొందరపడిన వాళ్లు పశ్చాత్తాపపడేలా ప్రవర్తించాడు.

ఈ విషయంలో సాక్షాత్తు వ్యాసభగవానుడికి కూడా మినహాయింపు దక్కలేదు. కాశీలో భిక్ష చేసుకునే వ్యాసుడికి ఒక రోజున ఎవరూ ఆహారాన్ని సమర్పించలేక పోతారు. వేళ దాటిపోతున్నా ఆకలి తీరకపోవడంతో, అక్కడి గృహస్తులపై వ్యాసుడుకి ఆగ్రహం కలుగుతుంది. మనుషులను అనుకుని ప్రయోజనం ఏముందీ, అన్నపూర్ణమ్మ తల్లి ఆవిర్భవించిన చోటనే ఆకలి బాధ తప్పడం లేదని తీవ్రమైన అసహనాన్ని వ్యక్తం చేస్తాడు.

ఆ మాటలు పార్వతీ పరమేశ్వరుల మనసుకి కష్టం కలిగిస్తాయి. వ్యాసభగవానుడు అంతటి వాడు కూడా ఒక్కపూట ఆకలికి ఓర్చుకోలేక ఎద్దేవా చేస్తూ మాట్లాడటం వారికి ఆశ్చర్యాన్ని కలిగిస్తుంది. దాంతో వాళ్లు బ్రాహ్మణ దంపతుల రూపంలో వ్యాసుడిని భోజనానికి పిలిచి, అతిథి మర్యాదలు చేస్తూ కడుపు నిండుగా వడ్డిస్తారు. ఆ తరువాత వ్యాసుడికి నిజరూప దర్శనమిచ్చి, ఆయన తొందరపాటు వైఖరిపట్ల అసంతృప్తిని వ్యక్తం చేస్తారు. అంతటి అసహనం కలిగిన వారికి కాశీలో స్థానం లేదని చెప్పి, ఇకపై గంగానదికి అవతల వైపు ఉండమని చెప్పారు.

దాంతో వ్యాసుడు మరే సమాధానం చెప్పలేక గంగానదికి అవతలవైపు ఉండటానికి సిద్ధపడి వెళతాడు. అయితే తన తొందరపాటు తనాన్ని తలచుకుంటూ పశ్చాత్తాపంతో చాలాకాలం పాటు ఒక ప్రదేశంలో కూర్చుని తపస్సు చేసుకున్నాడు. అందుకు గుర్తుగా ఆ ప్రదేశంలోనే ఇప్పుడు వ్యాస భగవానుడి ఆలయం కనిపిస్తూ వుంటుంది. ఈ ఆలయాన్ని దర్శించుకున్న వారికి ఆనాటి సంఘటన కళ్లముందు కదలాడుతూ వుంటుంది ... అసహనం అనర్థాలకు దారితీస్తుందనే విషయాన్ని స్పష్టం చేస్తూ వుంటుంది.


More Bhakti Articles
Telugu News
Fatal road accident in Nalgonda district
నల్గొండ జిల్లాలో ఘోర రోడ్డు ప్రమాదం... ఆరుగురి దుర్మరణం
16 minutes ago
Gujarat government renames Dragan Fruit as Kamalam
చైనాను తలపిస్తోందంటూ డ్రాగన్ ఫ్రూట్ పేరు మార్చేసిన గుజరాత్ ప్రభుత్వం
29 minutes ago
 Nara Lokesh once again slams CM Jagan
జగన్ రెడ్డికి బుద్ధి చెప్పడానికి దళిత జాతి ఏకం అవ్వాలి: నారా లోకేశ్
1 hour ago
Eighty percent polling in Himachal Pradesh final phase Panchayat polls
హిమాచల్ ప్రదేశ్ పంచాయతీ ఎన్నికల్లో 80 శాతం పోలింగ్ నమోదు
1 hour ago
Villagers welcomes for Team India bowler Natarajan
టీమిండియా కొత్త బౌలర్ నటరాజన్ ను రథంపై ఊరేగించిన గ్రామస్తులు
1 hour ago
Five dead in Serum Institute of India fire accident
'సీరం' అగ్నిప్రమాదంలో ఐదుగురి దుర్మరణం... తీవ్ర విచారం వ్యక్తం చేసిన అదార్ పూనావాలా
2 hours ago
AP Government files petition challenging high court decision
పంచాయతీ ఎన్నికల విషయంలో హైకోర్టు తీర్పుపై సుప్రీంకోర్టులో ఏపీ సర్కారు పిటిషన్ 
2 hours ago
Bopparaju wants Governor interference in local body polls
ఎన్నికల ప్రక్రియ నిలిపివేసేలా గవర్నర్ జోక్యం చేసుకోవాలి: జేఏసీ చైర్మన్ బొప్పరాజు
2 hours ago
Adar Punawala responds on fire accident in SII Pune
'సీరం' అగ్నిప్రమాదంపై వివరణ ఇచ్చిన అదార్ పూనావాలా
3 hours ago
AP Corona Update
ఏపీ కరోనా అప్ డేట్: కొత్తగా 139 మందికి పాజిటివ్
3 hours ago