కలలో ఇష్టదైవం కనిపిస్తే!

సాధారణంగా కలలు ప్రతి ఒక్కరికీ వస్తుంటాయి. వాటిలో కొన్ని పీడ కలలైతే .. మరికొన్ని మంచి కలలు. పీడ కలలు వచ్చినప్పుడు ఆందోళన చెందటం .. మంచి కలలు వచ్చినప్పుడు ఆ కలను తలచుకొని ఆనందించడం జరుగుతూ ఉంటుంది. ఇక కల .. నిజం కావడమనేది చాలా అరుదు. కల వచ్చిన సమయాన్ని బట్టి అది నిజం కావడం జరుగుతుందని శాస్త్రం చెబుతోంది.

కలలో పర్వతాలు .. అడవులు .. సముద్రాలు .. జంతువులు .. వేడుకలు .. ఇలా అనేక దృశ్యాలు కనిపిస్తుంటాయి. ఇలా వచ్చిన కలల్లో కొన్నింటికి ఫలితాలు కూడా చెప్పబడ్డాయి. కొంతమందికి ఇష్టదైవం కూడా కలలో కనిపించడం జరుగుతుంది. రాముడు .. శివుడు .. వేంకటేశ్వరస్వామి .. కృష్ణుడు .. ఆంజనేయస్వామి .. లక్ష్మీదేవి .. దుర్గాదేవి ఇలా ఇష్టదైవం కలలో కనిపించడం వలన విశేషమైన ఫలితం ఉంటుంది. ఇలాంటి కల రావడం వలన, ధన లాభం చేకూరుతుంది. అంతేకాదు తలపెట్టిన ధర్మబద్ధమైన కార్యాలు ఎలాంటి ఆటంకాలు లేకుండా పూర్తవుతాయి.